Aliko Dangote: Bilionea Aliyeanza Kuuza Pipi Shuleni

 

Kama nilivyosema katika siku zilizopita kwamba hakuna mtu ambaye anaweza kufanikiwa pasipo kupambana. Ili ufike pale ambapo mabilionea wengine walipo kwa sasa, huna budi kupambana na kujitoa sana katika kila kitu ukifanyacho.

Nimewazungumzia watu wengi, mabilionea ambao waliweka wazi ni kwa namna gani mtu anaweza akafanikiwa kama walivyokuwa wao. Kwa leo, tutafahamu mambo mbalimbali kuhusu bilionea namba moja Afrika, Mnigeria, Aliko Dangote.

 BilioneaAlihaji Aliko Dangote.

Mwaka huu, serikali ya Tanzania ilimpa ruhusa kutengeneza kiwanda cha kutengeneza saruji nchini hapa. Hicho si kiwanda chake cha kwanza, ana viwanda vingi ikiwemo Afrika Kusini, Togo, Nigeria na nchi nyingine.

Amekuwa akiamini sana katika saruji na mafuta kwa sababu ndivyo vitu ambavyo watu huvitumia kwa wingi. Ni lazima watu wawe wanajenga kila siku lakini pia, kwa wenye magari ni lazima wawe wanayaendesha kila siku na ndiyo maana anaamini kwamba katika vitu hivyo ni lazima ataingiza pesa nyingi.

Moja ya viwanda vyake

Dangote ni nani?

Huyu ni bilionea namba moja Afrika ambaye alizaliwa mwaka 1957 na baba yake aliyekuwa bilionea kipindi hicho nchini Nigeria, Mohammedi Dangote na mama yake, Hajia Mariya Sanusi Dantata.

Alianza biashara shule ya msingi

Dangote anasema kuwa wakati alipokuwa akisoma shule ya msingi alikuwa akifanya biashara ya kuuza pipi kwa wanafunzi wenzake. Anasema “Nakumbuka nilipokuwa shule ya msingi, nilikuwa nakwenda kununua mifuko ya pipi na kuwauzia wanafunzi wenzangu shuleni kwa ajili ya kutengeneza pesa zangu.”

Aanzisha kampuni yake

Baada ya kumaliza masomo yake ya biashara katika Chuo Kikuu cha Cairo nchini Misri, Dangote akaanzisha kampuni yake aliyoiita Dangote Group huku akiwa na miaka 21 tu.

Rais magufuli alipofanDangote (kushoto) alipomtembelea rais

Huwa hazimi simu siku nzima

Dangote anasema kwamba kila siku amekuwa mtu wa kufanya kazi. Yupo radhi kukesha huku akifanya kazi mpaka pale anapokamilisha kile anachokifanya. Husema kwamba watu wengi wamekuwa wakifanya makosa katika matumizi ya simu. Huwa hazimi simu yake kwa sababu anaamini hicho ndicho kitu kinachomfanya kuwasiliana na wafanyabiashara wenzake. Kwa kawaida huanza kufanya kazi ofisini kwake kuanzia saa kumi na moja alfajiri.

Dangote anatumia simu iitwayo Nokia Vertu Signature ambayo huuzwa kwa dola 5000-7500 (zaidi ya milioni 10 mpaka milioni 15) ambayo muonekano wake hufanana na ‘Nokia ya Tochi’

Ni mtu anayesaidia masikini

Mwenyewe huamini kwamba kile alichokuwa nacho si kwamba Mungu aliamua kumpa kwa ajili yake tu, alimpa kwa sababu alitaka kuwaona masikini wengine wakipata kutoka kwake. Kila mwaka amekuwa akitoa kiasi cha naira milioni kumi (zaidi ya shilingi milioni 70) kwa ajili ya masikini, wanawake na watoto wasiojiweza.

Anamiliki visima vya mafuta na viwanda vya saruji

Mwaka 2013 wakati Nigeria ilipokuwa na uhaba wa mafuta, Dangote akatangaza kwamba angechimba kisima kikubwa cha mafuta Afrika na kusambaza Afrika nzima. Hilo liliwashangaza watu wengi lakini akafanikiwa na kisima hicho kikaufanya utajiri wake kuongezeka. Ni lazima unapotaka kufanikiwa uweke msimamo wako katika biashara ambayo unaamini itakutoa hapo ulipo.

Mungu alimuepusha kifo mara tatu

Huku utajiri wake ukiwa umeanza kukua, mwaka 1996 alipata ajali ya ndege. Hiyo ilikuwa ni ya mara ya tatu ambapo kaka yake, mtoto wa Rais, Sani Abacha walikufa lakini yeye akanusurika kuonyesha kwamba bado Mungu alikuwa na kazi naye.

Si mtu mwenye makuu

Ingawa ni bilionea mkubwa lakini Dangote si mtu anayejivunia utajiri aliokuwa nao. Huvaa suti za kawaida, hutembelea magari ya kawaida. Ni mtu ambaye muda mwingi anashinda ofisini kufanya kazi kwani anaamini kwamba kama unataka biashara zako zisimame, ni lazima uzisimamie kwa nguvu zote, vinginevyo hutofanikiwa.

Sarakasi zake za mapenzi

Dangote amefanikiwa kuoa mara tatu. Mke wake wa kwanza alichaguliwa akiwa na miaka 20 ambapo baadaye akamuacha baada ya kupata mtoto naye aliyeitwa Halima, hivyo akataka kumuoa msichana aliyeitwa Nafisat Yar’adua aliyekuwa binti wa rais lakini bahati mbaya kwake msichana huyo akakataa kwa sababu alikuwa na urafiki mkubwa na Halima.

Baadaye Dangote akamuoa Mariya AD Muhammad Rufai ila wakaachana baada ya kukaa kipindi kifupi. Baada ya hapo, hakuna mtu anayeemfahamu mke wa Dangote kutokana na maisha yake kuwa ya siri sana.

Ila mwaka 2014, watu wakahisi kwamba msichana mrembo, Sylivia Nduka anatoka na Dangote kwani amekuwa akionekana mara kwa mara katika ndege binafsi ya Dangote na kilichowafanya watu kuhisi zaidi ni kwamba kwenye akaunti ya Instagram, msichana huyo aliweka herufi AD mbele ya jina lake, herufi hizo zinamaanisha Aliko Dangote.

Utajiri wake sasa

Mpaka sasa hivi, Dangote ana utajiri wa dola bilioni 12 ambazo ni zaidi ya trilioni 24, utajiri huo umekuwa ukiongezeka siku hadi siku.

Tupe Maoni Yako( Matusi Hapana )

During its two year run, the project will award approximately 100 major reporting grants and provide mentoring to support the best ideas for stories on development issues. Journalists who produce the best stories published or broadcasted in media that reach African audiences, will win a major international reporting trip. During its two year run, the project will award approximately 100 major reporting grants and provide mentoring to support the best ideas for stories on development issues. Journalists who produce the best stories published or broadcasted in media that reach African audiences, will win a major international reporting trip.

Filed Under: KITAIFA