Kanye West Akutana na Trump

RAPA maarufu nchini Marekani, Kanye West, ambaye hivi karibuni alilazwa hospitalini baada ya kupata matatizo ya msongo wa mawazo na uchovu, amekutana na rais mteule wa Marekani, Donald Trump jijini New York kwenye Trump Tower ambapo ndipo yalipo makao makuu ya The Trump Organisation, kampuni inayomiliki biashara za rais huyo mteule.

Bw Trump anasema wawili hao walizungumza kuhusu “maisha” kabla ya kupigwa picha ya pamoja. Alisema wawili hao ni “marafiki” na akamweleza Kanye kuwa “mtu mzuri” lakini hakusema iwapo mwanamuziki huyo atatumbuiza wakati wa sherehe ya kuapishwa kwake mwezi Januari 2017.

Kanye hakuzungumza chochote lakini akawaambia wanahabari: “Nataka tu kupigwa picha kwa sasa.”

Taarifa kutoka Marekani zinasema Bw Trump huenda anakabiliwa na tatizo katika kutafuta wanamuziki mashuhuri wa kutumbuiza siku ya kuapishwa kwake.

Kanye amekuwa akipumzika na kupata nafuu kutokana na matatizo ya kiafya aliyoyapata mwezi jana. Mwaka jana, Kanye alitangaza kwamba anakusudia kuwania urais wa nchi hiyo ifikapo mwaka 2020, lakini hivi majuzi alisema iwapo angepiga kura uchaguzi wa mwaka huu, basi angempigia Donald Trump.

“Niliwaambia kwamba sikupiga kura,” aliwaambia mashabiki San Jose, California. “Lakini sikuwaambia… iwapo ningepiga kura, kwamba ningempigia kura Trump.”

Tangu ashinde urais, ulinzi umeimarishwa Trump Tower, jumba ambalo rais huyo mteule amekuwa akitumia kama afisa. Haijabainika Kanye West na Donald Trump walizungumzia nini wakati wa mkutano huo.

Mapema Jumanne, Bw Trump alitangaza kwamba atamteua Ofisa Mkuu Mtendaji wa Kampuni ya Mafuta ya Exxon Mobil, Rex Tillerson, kuwa Waziri wake wa Mambo ya Nje.

Tupe Maoni Yako( Matusi Hapana )

During its two year run, the project will award approximately 100 major reporting grants and provide mentoring to support the best ideas for stories on development issues. Journalists who produce the best stories published or broadcasted in media that reach African audiences, will win a major international reporting trip. During its two year run, the project will award approximately 100 major reporting grants and provide mentoring to support the best ideas for stories on development issues. Journalists who produce the best stories published or broadcasted in media that reach African audiences, will win a major international reporting trip.

Filed Under: KITAIFA